ብዙ ጊዜ ወደ አምላካችን ስንጠጋ ወይንም በራልኝ፣ ተረዳሁ ፣ ገብቶኛል እያልን ስንል የገባን ምንአልባትም የጠቅላላውን እውነት ጥቂቱን ብቻ መሆኑን ለማየት ጊዜ ይወስድብናል ወይንም ደግሞ የዛን እይታ ትልቅ ክፍል እንዳለው ለማመን ይከብደናል። እውነቱ ግን ይህ ነው።

ከእውቀት ከፍለን እናውቃለን።

ምንም ያክል ሊቅ ጠቢብ ብንሆን ወይንም የሃይማኖት ጥናት ብናደርግ አምላክ ታውቆ አይጨረስም። አምላክ አምላክ ነውና እንክዋን እርሱን በሙሉ አውቆ ለመጨረስ የፈጠረውን አንድ ፍጥረት እንኳን ለማጥናት ዘመናት ይፈጃል። ለዚህ አይደል ሳይንቲስቶች ዛሬም ስራ ያላቸው! ፍጥረት እስካለ የሚጠና ነገር ይኖራልና።

ወደ ተነሳሁበት ልመለስና እውነት እውነት ግን ምን ያክል ነው የበራልን? ምን ያክል ነው የተረዳነው? የአምላክ ልጅ ነኝ ብሎ አንድሰው በምድር እየተመላለሰ ነገርግን አንድም የአባቱ ሁኔታ በእርሱ ላይ መገለጥ ካልቻለ በእርግጥ ልጅ ነው ማለት እንችላለን? ይህን ሁኔታ በምን ገምግመን ነው አዎ የአምላክ ልጅ ነው ማለት የምንችለው? ለምሳሌ አንድ ልጅ አባቱን በመልክ ሊመስል ይችላል ቁርጥ አባቱን ነው ይላሉ የአገሬ ሰዎች። ወይንም የአባቱን ሃብት ያለመከልከል ሲጠቀም ብናይ አለያ ይህ ሰው ጥፋት አጥፍቶ ሲይዝ አባቱ ዋስ ከፍሎ ሲያስፈታው ስናይ ከሌላው ሰው የሚለይበት ነገር እናያከን። ምንአልባትም እንክዋን ያለ አግባብ ያባቱን ሃብት ቢበትን አንተ እንዴት በተንክ ብሎ የሚጠይቅ የውጪ ሃይል የለም። ምክንያቱም ይህ በአባትና ልጅ መካከል የሚደረግ ውይይት ነውና ሌላው ሰው አያገባውም።

ታዲያ ግን ለተቀበሉት ሁሉ ግን በስሙ ለሚያምኑት ለእነርሱ የልጅነት ስልጣን ሰጣቸው ተብሎ ተፅፎ ሳለ ። ልጅ ነኝ የሚለው ጉዳይ ምንው ለብዙ ዳግም ተወላጅ ቃል ብቻ ሆነ? ለዚህ ነው ጥያቄው ያነሳሁን የተገለጠልን በከፊል ብቻ ነው መሰል? ልጅ ከሆንክ/ሽ አዲስ ዘር ውስጥ ገብተሃል/ሻል። አባት ያለውን ሁሉ ነህ/ሽ።

ይህ እውነት ከሲኦል ማምለጥ አንዱ ጅማሬ ሲሆን ደግሞም አምላክን መምሰል ፍፃሜው ነው። በእነዚህ ሁለት ጥጎች ውስጥ የትኛው ጋር ደርሳችሁ ይሆን?

ኢየሱስም ደግሞ አላቸው፡— እውነት እውነት እላችኋለሁ፥ እኔ የበጎች በር ነኝ።

Then said Jesus unto them again, Verily, verily, I say unto you, I am the door of the sheep.

ዮሐንስ 10:7

ነፃነት Nov, 19 2022

የሰባት አመት ልጄን የበጋ ወራት የመፅሃፍ ቅዱስ ካምፕ ላደርሰው ሻንጣውን ይዞ ከቤት ስንወጣ ነፍሴ ድንገት ከውስጤ የወጣች መሰለኝ የምንኖርበትን ቤት በር እንክዋን አልዘጋሁም ልጄ ላይ አፍጥጬ ቀረሁ። ጊዜና ቦታ በማይገድበው ምእናብ ልጄን ኮሌጅ ሲሄድ አየሁት ፣ በኮሌጅ ትምህርት ቢዚ ሲሆን ሊያወራኝ እንክዋ ጊዜ የለኝም ሲል። ጊዜ ፍጥነቱ!!

ትምህርት ጨርሶ እቤት ይመጣል ብዬ ላስብ ስሞክር አይ አይደለም ስራ ይይዘዋል ከአገር አገር፣ ከቢሮ ቢሮ፣ ታላላቅ ጉዳዮችን ሊፈፅም ይሮጣል። ልጄ ናፈቀኝ!!

እንዴ እንዴ በቃ እንዲህ ነው ድንገት ሳልዘጋጅ ልጄ ከእጄ የሚወጣው? የልጄ በፍጥነት ማደግ ማስረጃ ሆነው ከፊቴ ተደረደሩ: እውነት ነው ጨቅላ ሆኖ እጄ ላይ የተንከባለለበት ቀን እና ዛሬ የደረሰበት እድሜ በምን ጊዜ እንደደረሰ በትክክል አይገባኝም በጣም ቸኩሎብኛል።

አውቃለሁ ይህ ብላቴና በጎበዝ እጅ እንዳለ ቀስት ነው ተወርውሮ አላማውን ይመታል። ደግሞም ይወጣል ይወርሳል ያሸንፋል።

ለእኔ ግን ዛሬ ናፍቆት በሆዴ ውስጥ ገባ ልጄ እንዳይሄድብኝ ፈለኩ: አይን አይኑን አያለሁ የያዘውን ሻንጣ አያለሁ። ላስቀረው? እድሜው ገናነው ምን አስቸኮለኝ? ይቅር እቤት ውስጥ ይቀመጥ ልቤ አማራጭ ሰጠኝ። አይ ይሄማ ለእድገቱ ውሳኝ ነው ዛሬ ህይወቱ ላይ የዘራሁት ነው ነገ ተፅእኖ የሚያመጣው። ክርክር ውስጥ ገባሁ. “ማም!! ” ልጄ ቀሰቀሰኝ : “በር እየዘጋሁ ነው መጣሁ” መለስኩለት። ምን ሆናለች ዛሬ እናቴ ሳይል አይቀርም አስተያየቱ ያስታውቃል

ተንደርድሬ አቀፍኩት ሳምኩት፣ እወድሃለሁ እሺ እሺ!፣ “እ” መልሱ ነበር። ” ቃል ግባልኝ” ጠያቂ ሆንኩ. “ዋት?” ነገሬ የገረመው ልጄ. “አሁን እኮ ትልቅ ልትሆን ነው ኮሌጅ ልትገባ ልትማር ስራ ልትይዝ በቃ ጊዜ አይኖርህም።” ልጄ የማወራውን በግልፅ ይግባው አይግባው አላውቅም ነገር ግን የልቤን ጭንቀት መተንፈስ ቀጠልኩ። ስለዚህ አደራ እንድትደውልልኝ እሺ “ኖ!! አም ጎነ ቢ ቢዚ” የልጄ መልስ ነበር። “ትናፍቀኛለህ እኮ እባክህ?” “ማም!” ስምንት አመት እንክዋን ካልሞላው ልጄ ጋር ድርድር ያዝኩ ቀኑ ሲደርስ ከማለቅስ በጊዜ ብለምን ይሻለል ብዬ።

ምሳሌ 22: 6 ልጅን በሚሄድበት መንገድ ምራው፥ በሸመገለም ጊዜ ከእርሱ ፈቀቅ አይልም።

በዚህ ውስጥ ነፍሴ ሌላ ነገር አስተዋለች በልዩ ልዩ ነገር ዛሬ ቢዚ ሆኜ የማይመለስ ውድ ጊዜ ከልጄጋር ማሳለፌን እንዳያመልጠኝ ፣ እንድደሰትበት ዋጋ እንድ ሰጠው። ነገ የልጄ ቀን ነው እርሱ ተራውን የሚሮጥበት የሚወርስበት ነውና የእርሱን ጊዜ መሻማት ሳይሆን የእኔን ጊዜ በአግባቡ መጠቀምን ተማርኩ።

እየተነጋገርን አሳንሳር ውስጥ ገብተን መኪናዬ ጋር ደረስን። አምላኬ ታማኝ እና እውነተኛ ነው ታላቅና ሃይለኛ ነገር በዚህ ልጅ ያደርጋል። ቀኑ ሲደርስ እኔንም ይረዳል።

እናንተስ ልጃችሁ የቱጋር ነው ያሉት? የትስ እንዲዱ ታያላችሁ?

ነፃነት

Sometimes you do learn by just hearing the word of wisdom. Even though you agree or did agree,

https://youtu.be/FeQG_Nju0QM

amezing life, with the one who give the institution.

Netsanet

ምን እጃችሁ ላይ አለ? እርሱ እመጣለሁ ብሎ የዘገየ በሚመስለበት በዚህ ሰአት እርሱ የሚከፍለውን ደሞዝ ይዞ ሲመጣ ማንን ያገኝ ይሆን ምንስ በእጅ ላይ ይገኝ ይሆን?

ስራ የተሰጥን እንድናበጅ እንድናስተዳድር ተንከባካቢ እንድንሆን እንድን ጠብቅ ነው ይህ ከሰማይ ያለው ሃሳብ ነው። መስተዳድር ተብሎ በተሰጠህ ላይ ምን ያክል ሰርተህ ይሆን? በአንተ በእንቺ ውስጥ ስራ ግን ምን አይነት ትርጉም ይኖረው ይሆን? ምን አይነትስ ስራስ እየሰራሽ አለቃሽ ያገኝሽ ይሆን?

ገንዘብ መውደድ የሃጥያት ሁሉ ስር ነውና የምናሳድደውን ብናውቅ መልካም ነው ገንዛብ ለማግኘት ፪፬ ሰአት ስትሮጥ ውለህ አድረህ ድንገት የደረስክበት ሲመስልክ ከእጅ አፈትልኮ እንደ ምርጥ እየመሰለ በብዙ ምኞት እና ሃሳብ በማናወዝ ከተፈጠርክለት የመግዛት ስፍራ ያወርድህና ባርያ ያደግሃል። አለቃህንም በትጋት እንዳትጠብቅ ያሳስታል።

ትዳር ብዙ ወገኖኝ በብቸኝነት ዘመናቸው ፈጣን ሯጭ ናቸው ትዳር ውስጥ ሲገባ ቀዝቀዝ ማለት መጀመሩ መልካም ቢመስልም ለብዙዎች ግን ጭልጥ ብሎ መተኛ ይሆናል። ንቃ ንቂ ትዳርሽ በእርግጥ በጌታ ፊት የምትሸለሚበት ቢሆንም የእርሱን ስራ ግን እርግፍ አድርገህ /ሽ እንድትተዊው አልነበረም የሰጠህ።

ድካም በሁሉ ቤት ያንኳኳል ካለብን ጫና ወይም ከወደቀ አለም ግፊያ የተነሳ እርሱም ቢሆን ግን ከመንቃትና ከመጠበቅ አይከለክልም

ምንድን ይሆን ያደከመህ ስራህን እንዳትሰራ ያስደረገህ? እኔ ግን ድንገት በክብሩ ቢገለጥ ስራ ላይ ሆኜ ያገኘኛል አታንቀላፋ አታንቀላፊ ጊዜው በረዘመ ጊዜ ተስፍሽ የበለጠ ይታደድ እንጂ አትዘናጊ።

ዘፍጥረት 1:28                                               እግዚአብሔርም ባረካቸው፥ እንዲህም አላቸው፡— ብዙ፥ ተባዙ፥ ምድርንም ሙሉአት፥ ግዙአትም፤ የባሕርን ዓሦችና የሰማይን ወፎች በምድር ላይ የሚንቀሳቀሱትንም ሁሉ ግዙአቸው።

ነፃነት